Səhiyyə Nazirliyinin Elmi-Tədqiqat Tibbi Bərpa İnstitutunda Təşkilati-metodik şöbənin təşkilatçılığı ilə seminar keçirilib.

İnstitutdan Aztibb.az-a verilən xəbərə görə, seminarda müəssisənin Diaqnostik tədqiqatlar laboratoriyasının kiçik elmi işçisi Səadət Məhərrəmova "Diabetik neyropatiya - erkən laborator diaqnostikası və proqnozlaşdırma imkanları" mövzusunda məruzə ilə çıxış edib.

S.Məhərrəmova məruzəsində müasir dövrdə diabetik neyropatiyalı xəstələrin böyrəklərində tubulyar zədələnmələrin mərkəzlərinin laborator təyini barədə iştirakçılara məlumat verib.

Sonda müzakirələr aparılıb, mövzuya dair suallar cavablandırılıb.

Qeyd edək ki, seminarda institutun elmi işçiləri və həkimlər iştirak ediblər.