Həkimlər Çində bir yaşlı qızın kəllə sümüyündən onun doğulmamış əkizinin dölünü əməliyyatla çıxarıblar.

Aztibb.az-ın medimagazin.com.tr-yə istinadla məlumatına görə, "Neurology" jurnalında dərc edilən araşdırmada uşağın beyin funksiyalarında problem yarandıqdan və başı böyüdükdən sonra onun valideynləri tərəfindən xəstəxanaya gətirildiyi bildirilib. Şanxaylı həkimlər doğulacaq əkizin dölünün uşağın beynində inkişaf etdiyini müəyyən ediblər. Həkimlər dölün yuxarı ətraflarının, sümüklərinin və hətta dırnaqlarının inkişaf etdiyini, yəni bacısının içində olarkən aylarla böyüməyə davam etdiyini söyləyiblər. 

Parazitar əkizlər də adlandırılan "dölün içində döl" hadisəsi əkizlər ana bətnində birləşdikdə baş verir, lakin onlardan yalnız biri inkişaf etməyə davam edir. Bununla belə, dölün içində dölün olması halları əkiz hamiləliyin çox erkən mərhələlərində, blastosist adlanan döllənmiş yumurtanın əmələ gətirdiyi bölünən hüceyrələrin çoxluğu düzgün ayrıla bilmədiyi zaman baş verir. Sonra embrionlardan biri digəri ilə əhatə olunur. Digər əkizlərin çoxalmış hüceyrələri ilə əhatə olunmuş döl inkişaf edə bilmir, lakin qan tədarükü aldığı üçün "canlı" qalır.

Belə hallar az olsa da, əvvəllər də müşahidə olunub. 1997-ci ildə misirli yeniyetmənin bətnində 16 yaşlı döl tapılıb. Keçən ilin noyabr ayında Hindistanın Charkhand əyalətinin Rançi şəhərində həkimlər 21 günlük qızın bətnindən 8 embrion çıxarıblar. Həkimlər dölün ölçülərinin 3-5 sm arasında olduğunu və onların qarın nahiyəsində kistaya yerləşdiyini bildiriblər.