X Qlobal Bakı Forumu çərçivəsində Azərbaycanın səhiyyə naziri Teymur Musayevlə Birləşmiş Millətlər Təşkilatının (BMT) İnsanın İmmunçatışmazlığı Virusu/Qazanılmış İmmun Çatışmazlığı Sindromu üzrə Birgə Proqramının (UNAIDS) İcraçı direktoru, BMT-nin Baş katibinin müavini xanım Vinni Byanyima arasında görüş keçirilib.

Aztibb.az-a bu barədə Səhiyyə Nazirliyindən məlumat verilib.

Teymur Musayev UNAIDS-in İcraçı direktoruna Qlobal Bakı Forumunda iştirak etdiyinə görə təşəkkür edib. Nazir Azərbaycanın BMT-nin aidiyyəti institutları ilə yaxından əməkdaşlıq etdiyini və onların fəaliyyətini dəstəklədiyini vurğulayıb.

X Qlobal Bakı Forumunda iştirakından məmnunluğunu bildirən Vinni Byanyima tədbirin yüksək səviyyədə təşkil olunduğunu bildirib. O, Azərbaycanın AİDS və digər yoluxucu xəstəliklərə qarşı mübarizə sahəsində gördüyü işləri müsbət qiymətləndirib.

Sonda tərəflər digər qarşılıqlı maraq kəsb edən məsələlərə dair fikir mübadiləsi aparıblar.