Paytaxtın Nəsimi rayonu, Səməd Vurğun küçəsində baş vermiş silahlı insidentlə əlaqədar Kliniki Tibbi Mərkəzə (KTM) yerləşdirilən iki nəfərin müayinə və müalicəsi davam etdirilir.
Aztibb.az-a TƏBİB-dən bildirilib ki, 1983-cü il təvəllüdlü Tamerlan Hüseynov sol baldırın aşağı üçdəbir hissəsini dəlib keçən güllə yarası diaqnozu ilə hazırda KTM-in Travmatologiya şöbəsinə köçürülüb, onun vəziyyəti stabildir.
Sağ baldırın aşağı üçdəbir hissəsini dəlib keçən güllə yarası diaqnozu qoyulan ATU-nun tələbəsi, 2002-ci il təvəllüdlü Fəqan Rəhimlinin isə cərrahi əməliyyat edilməsi qərara alınıb. Tələbənin vəziyyəti orta ağır qiymətləndirilir.
***
10 Mart , 2023 15:45
Bu gün Nəsimi rayonu, Səməd Vurğun küçəsində silahlı insident baş verib, 2 nəfər yaralanıb.
TƏBİB-dən Aztibb.az-a bildirilib ki, hadisə ilə əlaqədar Bakı Şəhəri Təcili və Təxirəsalınmaz Tibbi Yardım Stansiyasının briqadaları əraziyə cəlb edilib.
Atışma nəticəsində xəsarət alan iki nəfər TƏBİB-in tabeliyindəki Kliniki Tibbi Mərkəzin Təcili tibbi yardım şöbəsinə yerləşdirilib. Hazırda onlara zəruri tibbi xidmətlər göstərilir.
Hadisə ilə bağlı araşdırmalar davam etdirilir.
