Dərimizin vəziyyəti öz sağlamlığımıza münasibətimizin birbaşa əksidir. İnsan nə qədər sağlam qidalanarsa, bir o qədər saçları, dırnaqları və dərisi sağlam görünər.  

Aztibb.az solenka.info-ya istinadən xəbər verir ki, diyetoloq Marina Sorokinanın sözlərinə görə bunlar sağlamlıq problemlərinin mövcudluğunu göstərən ilk "markerlər"dir. 

Məsələn, çox quru dəriniz varsa, bu o deməkdir ki, siz kifayət qədər protein qəbul etmirsiniz, həmçinin sizdə A və E vitaminlərinin ciddi çatışmazlığı yaranıb. Əgər səpkilərə və sızanaqlara meylli olan yağlı dəriniz varsa, demək ki, çoxlu yağlı, ədviyyatlı və emal olunmuş qidalar yeyirsiniz. 

İnsanlar gözəllik salonlarında bahalı kremlər və prosedurlardan istifadə etmədən üzlərini iltihab və sızanaqlardan təmizləmək istəyirlər. Mütəxəssis hesab edir ki, arzunuzu həyata keçirməyin yalnız bir yolu var - qidalanmanızı yaxşılaşdırmaq.