Martın 9-u Tərtər rayonunun Çaylı kəndi ərazisində 1989-cu il təvəllüdlü Yaquar Hadiyev minaya düşərək müxtəlif dərəcəli bədən xəsarətləri alıb.

Aztibb.az xəbər verir ki, Azərbaycan Respublikasının Minatəmizləmə Agentliyinin (ANAMA) Mətbuat Xidmətindən verilən məlumata görə, Yaquar Hadıyev xəstəxanaya yerləşdirilib və onun sol ayağı amputasiya edilib.

ANAMA bir daha vətəndaşlara müraciət edərək məsuliyyətli davranmağa, icazəsiz səfərlərdən çəkinməyə, təhlükəli və şübhəli ərazilərə daxil olmamağa, rastlaşdıqları naməlum əşyalara toxunmamağa çağırır.