Səhiyyə Nazirliyinin Elmi-Tədqiqat Travmatologiya və Ortopediya İnstitutunda (ETTOİ) “Bud sümüyünün boynunun intrakapsulyar sınıqları” mövzusunda seminar keçirilib.

 

İnstitutdan Aztibb.az-a bilirilib ki, tədbir ETTOİ-nin və Ə.Əliyev adına Azərbaycan Dövlət Həkimləri Təkmilləşdirmə İnstitutunun Travmatologiya və ortopediya kafedrasının birgə təşkilatçılığı ilə baş tutub.

 

Seminarda ETTOİ-nin Travmatologiya şöbəsinin müdiri Aydın Qəhrəmanovun “Osteosintez ya artroplastika: kimə və nə zaman?”, Artroplastika və artroskopiya şöbəsinin müdiri Nizami Məmmədovun “Artroplastika: bipolyar ya total?” mövzusunda məruzələri dinlənilib. Həmçinin tədbirdə iştirak edən gənc rezidentlərə, həkimlərə dünyada bu sahə üzrə yeniliklər və onların tətbiqi yolları barədə məlumat verilib.

 

Tədbirdə məruzələr ətrafında geniş müzakirələr aparılıb, iştirakçıların sualları cavablandırılıb.