Türkiyə Milli Allergiya və Klinik İmmunologiya Dərnəyinin üzvü, prof. Safa Barış və komanda yoldaşları immunologiyada əhəmiyyətli bir irəliləyiş əldə ediblər. Tədqiqatçılar ciddi allergik problemlərə səbəb olan irsi immun xəstəliyi -STAT6 Funksiyasının Artırılması Xəstəliyinin mutasiyasını müəyyən edərək müalicə hazırlayıblar. Müalicənin müsbət nəticələri allergiyada ümid işığına çevrilib.
Aztibb.az-ın medimagazin.com.tr-yə itinadla xəbərinə görə, Marmara Universiteti Tibb fakültəsi Uşaq Allergiya-İmmunologiya Bölümü müəllimi, prof. Safa Barış, komanda yoldaşları uzman həkim Altan Kara və Harvard Tibb fakültəsinin professoru Talal Çatilanın bu birgə işi ilə yeni xəstəliyin əmələ gəlməsi və müalicə mexanizmi ədəbiyyata gətirilib. Yeni təyin olunmuş xəstəlikdə ağır atopik dermatit, yüksək eozinofil dəyərləri və yüksək IgE dəyərləri müşahidə edilə bilər. Qrup tərəfindən hazırlanmış müalicə nəticəsində STAT6 diaqnozu qoyulan bir uşaqda qanda bu dəyərlərin yüksək olması ilə xəstəliyin geriləməsi müşahidə edilib.
Tibbi ədəbiyyatda ilk dəfə təsvir edilən bu xəstəlik modelində təsirlənmiş şəxslərdə ağır allergik xəstəliklər aşkar edilib. Safa Barış və komandası bu şikayətləri olan bir ailəyə bütün ekzom sıralamasını tətbiq edərək STAT6 genində mühüm mutasiya tapıblar. Ətraflı təhlillərdə bu mutasiyanın STAT6 zülalında normaldan daha çox işə səbəb olduğu görülüb. Sonrakı tədqiqatlarda JAK inhibitorları ilə STAT6 zülal aktivliyinin azaldılmasının şikayətlərdə tam yaxşılaşmaya səbəb olduğu və xəstəliklərə nəzarətin əldə edildiyi müşahidə edilib.
Tədqiqatın nəticələri immunçatışmazlığı sahəsində nüfuzlu jurnal olan “Allergiya və Kliniki İmmunologiya”da dərc edilib.