Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən həkimlərimizi tanıtmaqda davam edir.

 

Rubrikada bu dəfə Şirvan Şəhər Mərkəzi Xəstəxanasının həkim-infeksionisti Xəyalə Ağayeva haqqında məlumatları diqqətə çatdırırıq.

 

Xəyalə Rəcəb qızı Ağayeva 06 dekabr 1986-cı ildə Türkmənistanda anadan olub. 2003-2009-cu illərdə Azərbaycan Beynəlxalq Universitetinin Pediatriya fakültəsində təhsil alıb. 2009-2010-cu illərdə Uşaq infeksionisti ixtisası üzrə internatura keçib.

 

O, 13 iyun 2016-cı ildə Həkimlərin Sertifikasiya Şəhadətnaməsindən keçib.

 

2017-ci ildə Uşaq Poliklinikasında sahə həkimi, pediatr, daha sonra Birləşmiş Uşaq Xəstəxanasının Pediatriya şöbəsinin müdiri vəzifələrində çalışıb. 2021-ci ildən Şirvan Şəhər Mərkəzi Xəstəxanasının Yolxucu xəstəliklər şöbəsində həkim-infeksionist işləyir.

 

Həkim “Hematologiyada yeni texnologiyalar və onların klinik əhəmiyyəti“, “Revmatik xəstəliklərin klinik laborator diaqnostikasına müasir yanaşma: “Nevroleykoz”, “Ximerizm”. ”Talessemiyaminor Labarator göstəricilər və diaqnostika”, “Sidik yollarının infeksiyasının mikrobioloji diaqnostikası", “Splenomeqaliyalara yanaşma” mövzusunda seminarlarda və I Azərbaycan Beynəlxalq Hemotologiya Mütəxəssisləri Konqresində iştirak edib.