Azərbaycan Respublikası Elmi Tədqiqatların Əlaqələndirilməsi Şurasının Biologiya, aqrar və tibb elmləri üzrə Problem şurasının onalyn iclası keçirilib.
AMEA-dan Aztibb.az-a verilən xəbərə görə, iclasda Problem şurasının işçi qruplarının üzvləri, iddiaçılar, müvafiq dissertasiya işlərinin elmi rəhbərləri və məsləhətçiləri iştirak ediblər.
İclasda AMEA-nın vitse-prezidenti, Problem şurasının sədri, akademik İradə Hüseynova gündəlikdə duran məsələlər haqqında şura iştirakçılarını məlumatlandırıb.
Daha sonra tibb üzrə 10 dissertasiya mövzusu müzakirəyə çıxarılıb. Dissertasiya mövzuları tibb üzrə fəlsəfə doktoru Aynur Safıyeva tərəfindən təqdim edilib.
Müzakirəyə çıxarılmış bəzi mövzuların adında dəyişikliklər edilməklə 5 iş müsbət qiymətləndirilərək qeydiyyata alınıb, 4 iş yenidən müzakiyə üçün geri qaytarılıb, iddiaçının iştirak etməməsi səbəbindən 1 işə baxılması təxirə salınıb.
