"Yeni klinika” tibb müəssisəsində 8 mart - Beynəlxalq Qadınlar Günü münasibətilə tədbir keçirilib.
Klinikanın mətbuat xidmətindən Aztibb.az-a verilən xəbərə görə, müəssisənin rəhbər heyəti, tibb və qeyri-tibb əməkdaşlarının iştirakı ilə baş tutan tədbirdə klinikada çalışan xanım əməkdaşlar kollektiv tərəfindən təbrik edilib.
Tədbirdə “Yeni klinika”nın direktoru vəzifəsini icra edən baş həkim Cavid Paşayev çıxış edərək xanım əməkdaşları səmimi qəlbdən təbrik edib.
Klinikada fəaliyyət göstərən 881 əməkdaşdan 557-nin xanım olduğunu bildirən baş həkim Azərbaycan qadınının bütün sahələrdə böyük nailiyyətlər əldə etdiyini və ölkəmizin nüfuzunun yüksəlməsinə böyük xidmət göstərdiyini xüsusi qeyd edib.
Daha sonra tibb müəssisəsinin tibb və qeyri-tibb əməkdaşları çıxış edərək təbrik və xoş arzularını bölüşüblər.