Sumqayıt şəhər İcra Hakimiyyətinin başçısı Zakir Fərəcov 8 mart – Beynəlxalq Qadınlar Günü münasibətilə şəhərin sosial-iqtisadi, ictimai və mədəni həyatında fəal iştirak edən bir qrup qadını Fəxri fərmanla təltif edib.

Təltif edilənlər arasında Sumqayıt Tibb Mərkəzinin (STM) tabeliyində olan tibb müəssisələrində çalışan 13 tibb işçisi də var.

Bu barədə Aztibb.az-a STM-dən  məlumat verilib.

Belə ki, 1 nömrəli Şəhər Xəstəxanasının Nevrologiya şöbəsinin müdiri Vəfa Gəncəliyeva, Uşaq xəstəxanasının Anesteziologiya-reanimatologiya şöbəsinin müdiri Səbinə Hacıyeva, Perinatal Mərkəzin neanotoloqu Dilarə Axundova, Təcili Təxirəsalınmaz Tibbi Yardım Stansiyasının həkimi Kəmalə Ağayeva, 1 nömrəli Ailə Sağlamlıq Mərkəzinin (ASM) ailə həkimi, terapevt Samirə Məmmədova, 2 nömrəli ASM-in ailə həkimi, pediatr Dilşad Hüseynova, 3 nömrəli ASM-in ailə həkimi, pediatr Rəna Mürşüdova, 5 nömrəli ASM-in ailə həkimi pediatr Şahnaz Fəttulayeva, 6 nömrəli ASM-in ailə həkimi, terapevt İlahə Babayeva, 7 nömrəli ASM-in ailə həkimi pediatr Nərmin Novruzova, 4 nömrəli Şəhər Xəstəxanasının böyük tibb bacısı Nərgiz Hətəmova, Stomatoloji poliklinikanın böyük tibb bacısı Fəridə Şükürova və Təcili Tibbi Yardım Xəstəxanasının tibb bacısı Aygün Əliyeva şəhər rəhbərliyi tərəfindən mükafatlandırılıblar.

Sumqayıt Tibb Mərkəzi təltif olunan əməkdaşları təbrik edir, çətin və məsuliyyətli işlərində uğurlar arzulayır!