Zaqatala Rayon Mərkəzi Xəstəxanasında Beynəlxalq Qadınlar Günü münasibətilə tədbir keçirilib.

Xəstəxanadan Aztibb.az-a bildirilib ki, təbirdə şəhid anaları, digər şəhid ailə üzvləri və 44 günlük Vətən müharibəsində iştirak edən müəssisənin tibb işçiləri iştirak ediblər.

Tədbirdə xəstəxananın direktoru Tamara Nurəliyeva əlamətdar gün münasibətilə qadın əməkdaşları təbrik edib. Bildirib ki, milli-əxlaqi dəyərlərimizin, adət və ənənələrimizin keşiyində şərəflə dayanan qadınlarımız Azərbaycanımızı çiçəklənən, inkişaf edən, firavan və qüdrətli bir dövlətə çevirmək yolunda əlindən gələni əsirgəmirlər.

Daha sonra tədbirdə iştirak edən şəhid ailə üzvləri və digər tibb işçilərinə Həmkarlar İttifaqı tərəfindən gül və hədiyyələr təqdim edilib.