Mərkəzi Gömrük Hospitalında 8 Mart - Beynəlxalq Qadınlar Gününə həsr edilmiş tədbir keçirilib.
Hospitaldan Aztibb.az-a verilən xəbərə görə, tədbirdə Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini Şahlar Mirqasım xanım əməkdaşları təbrik edib, onlara səadət dolu günlər arzulayıb.
O, Ümummilli Lider Heydər Əliyev qadın şəxsiyyətinə böyük hörmətlə yanaşdığını qeyd edib. Bildirib ki, məhz Ulu Öndərin ölkə həyatının bütün sahələrində qadınlara xüsusi yer ayırması və onların hərtərəfli fəaliyyətinə geniş meydan verilməsi nəticəsində Azərbaycan qadınının cəmiyyətdə yeri və nüfuzu daha da artmışdır. Rəis müavini vurğulayıb ki, Prezident İlham Əliyevin həyata keçirdiyi uğurlu daxili siyasət nəticəsində bu gün qadınlara ictimai həyatın bütün sahələrində bərabər imkanlar yaradılıb.
O, həmçinin Vətən müharibəsinin qadın şəhidi Arəstə Baxışovanın, bütün şəhid anaları və xanımlarının, qazilərin ömür-gün yoldaşlarının, Vətənimiz üçün layiqli övladlar böyüdən anaların qəhrəmanlığı barədə danışıb.
Daha sonra Mərkəzi Gömrük Hospitalının rəis müavini, Baş həkim vəzifəsini icra edən Bəxtiyar Musayev, Dövlət Gömrük Komitəsi Tibbi Xidmət İdarəsinin rəis müavinləri - İsmayıl Əfəndiyev və Fərid Əbilov da tədbirdə iştirak edən qadınların simasında, bütün gömrük sahəsində çalışan qadınları Beynəlxalq Qadınlar Günü və Yel çərşənbəsi münasibətilə təbrik edib, onlara ən xoş arzularını bildiriblər.
Tədbir zamanı Dövlət Gömrük Komitəsi Tibbi Xidmət İdarəsinin Elmi Təcrübi Tədris Mərkəzinin mütəxəssisi Şəhla Mirzəzadə, Mərkəzi Gömrük Hospitalının ümumi cərrahı, t.ü.f.d, Aynur Səfiyeva və tibb bacısı İlhamə Səfərova da təbrik nitqi ilə çıxış edərək xoş arzu və niyyətlərini dilə gətiriblər.
Dövlət Gömrük Komitəsinin rəhbərliyi və Azərbaycan Gömrük İşçiləri Həmkarlar İttifaqları Birliyi tərəfindən göndərilmiş gül dəstələri və hədiyyələr tədbirdə iştirak edən qadın kollektivə təqdim edilib.
