Cəbrayıl Rayon Mərkəzi Xəstəxanasının tabeliyində olan və Saatlı rayonu ərazisində fəaliyyət göstərən Əlisoltanlı Fin evi həkim məntəqəsində TƏBİB-in dəstəyi ilə tibbi aksiya təşkil edilib.

Rayon Xəstəxanasından Aztibb.az-a verilən məlumata görə, aksiya mərkəzi xəstəxananın direktoru Anar Zamanov və xəstəxananın cərrahı, nevropatoloqu, pediatrı, terapevti və digər tibbi işçiləri tərəfindən aparılıb.

Müayinə olunmaq üçün həmin qəsəbədə məskunlaşan cəbrayıllı köçkünlərlə yanaşı, digər rayonlardan olan köçkünlər də aksiyaya cəlb olunublar.