Orqanizmdə ən çox hansı parazitlərin məskunlaşdığı barədə tibb elmləri doktoru, parazitoloq Yevgeni Morozov məlumat verib. 

Biz parazitar xəstəliklərlə nə qədər tez-tez qarşılaşırıq? 

Aztibb.az gazeta.ru-ya istinadən xəbər verir ki, alimin sözlərinə görə bu, daha çox regiondan asılıdır: “Əgər rayonda milli adət-ənənələrə uyğun olaraq çiy ət və ya çiy balıq istehlak olunursa, təbii ki, orada xəstələnmə halları daha yüksəkdir. Xüsusilə, xam balıq istehlakı ilə əlaqəli hövzələrdə çox yayılıb. 

Həmçinin, yayılma sanitar-gigiyenik şəraitdən asılıdır. Bəzən kənd yerlərində xəstələnmə şəhərə nisbətən daha yüksəkdir. Şəhərlərdə mərkəzləşdirilmiş su təchizatı və kanalizasiya mövcuddur. Rayon yaxud, kəndlərdə tualet tullantısı bəzən gübrə kimi istifadə olunur. Bu zaman peyin kimi istifadə edilən nəcis tullantısı ilə yoluxmuş bir insanın helmint yumurtaları torpağa daxil olur və torpaqla ötürülən helmint infeksiyalarına səbəb ola bilir. 

Xüsusilə yumurta giləmeyvə və meyvələrin səthində daha çox ola bilər.  

İkinci ən çox yayılmış yol az bişmiş və ya qızardılmış ət və balıqla yoluxmadır. Bunlardan suşi daha az dərəcədə risklidir, çünki süni şəkildə yetişdirilən balıqdan istifadə edirlər.