Həkim-hepatoloq Mariya Praşnova qaraciyərin sirrozu kimi təhlükəli patologiyanın xüsusiyyətləri haqqında müsahibəsində məlumat verib.

Aztibb.az bu barədə medikforum.ru-ya istinadla xəbər verir.

Həkim M. Praşnova bildirib ki, qaraciyərin sirrozu qaraciyərin zədələnməsi və ya onun xroniki xəstəliyinin nəticəsi kimi inkişaf edə bilər. Çoxları düşünür ki, sirroz alkoqolizmin nəticəsidir, ancaq onun yaranması yalnız bununla əlaqədar deyil.

Həkim onun yaranmasını təhrik edən amilləri sadalayıb:

piylənmə;
hepatit viruslarına yoluxma;
qaraciyərin avtoimmun xəstəliklərinin inkişafı;
böyük miqdarda zərərli maddələrin orqanlarda toplanması xəstəliyi.

Hepatoloqun sözlərinə görə, əgər insanın qaraciyərində yaranmış fibroz ilk mərhələdə diaqnoz olunursa, onun öhdəsindən sirroza çevrilməmiş gəlmək olar. Fibrozdan fərqli olaraq sirrozdan müalicə mümkün deyil.

Praşnova qaraciyər sirrozu ilə nə qədər müddət yaşamağın mümkün olduğunu açıqlayıb.

"Birləşdirici toxuma qaraciyərin hüceyrələrinin əvəzinə işləmir, amma müəyyən müddətə qədər hepatositlər öz vəzifəsinin öhdəsindən gəlməyə qadirdir. Bu vəziyyət kompensasiya edilmiş sirroz adlanır, onunla insan orta hesabla təxminən 12 il yaşaya bilər", - deyə həkim qeyd edib.