Tərtər Rayon Mərkəzi Xəstəxanasının peşəkar həkim və tibb işçilərindən ibarət geniştərkibli briqadasının iştirakı ilə rayonun Sarov kəndinin sakinləri kütləvi tibbi müayinələrə cəlb olunublar.

 

Xəstəxanadan Aztibb.az-a verilən xəbərə görə, əsas məqsəd rayonun kəndlərində Tərtər Rayon Mərkəzi Xəstəxanasına gəlməkdə maddi və fiziki çətinliyi olan xəstələrin yerindəcə tibbi müayinə olunmasıdır. 

 

Aksiya zamanı 22 nəfər şüa-diaqnostika, 13 nəfər pediatr, 5 nəfər ginekoloq,16 nəfər qan analizi, 22 nəfər isə terapevt tərəfindən müayinə olunub.

 

Kənd sakinləri onlara göstərilən tibbi xidmətin səviyyəsindən razı qaldıqlarını bildiriblər.