2 nömrəli Bakı Baza Tibb Kollecində Ulu Öndər Heydər Əliyevin 100 illik yubileyi ilə əlaqədar "dəyirmi masa" təşkil olunub.
Kollecdən Aztibb.az-a bildirilub ki, tədbirdə kollecin rəhbərliyi, müəllim və tələbə heyəti iştirak ediblər.
Tədbir ictimai fənn müəllimləri Zaur Qasımov, Əsmər Mustafayeva və Afaq İsmayılovanın Ümumilli Lider Heydər Əliyevin həyatı və siyasi fəaliyyəti ilə bağlı məruzələri ilə davam edib.
Məruzələrdə Ulu Öndər Heydər Əliyevin Azərbaycan səhiyyəsinin inkişafına göstərdiyi xidmətlərdən bəhs edilib. Hələ ötən əsrin 70-80-ci illərində tibb üzrə xarici mütəxəssislərin diqqətini Azərbaycana cəlb etməsindən, tibb elmi və səhiyyə sahəsində mövcud durğunluğun aradan qaldırılmasına nail olmasından danışılıb.
Sonda kollecin direktoru Dilarə Məmmədəliyeva “Heydər Əliyev İli” çərçivəsində həyata keçirilən tədbirlərin gənclərimizin və gələcək nəslin vətənpərvərlik ruhunda tərbiyə olunmasında əhəmiyyətini vurğulayıb.