Yunancadan “doğulmaq, törəmək” mənasını verən bu termin 1925-ci ildə ilk olaraq alman psixiatoru E.Bumke tərəfindən təklif olunub və xəstənin vəziyyətinin həkimin ehtiyatsız davranışından pisləşməsi mənasını verir.
Aztibb.az “yatrogen” termininin qısa izahını təqdim edir.
Yatrogen termini getdikcə tibbdə daha geniş tətbiqini tapıb. Həkimin ehtiyatsızlığı, savadsızlığı, səriştəsizliyi, səhlənkarlığı səbəbindən xəstənin səhhətinə əlavə vurulmuş zərər kimi qiymətləndirilir.
Yatrogen hal bəzən xəstənin bir neçə mütəxəssis tərəfindən müalicəsi zamanı da yarana bilər. Hər il dünyada milyonlarla xəstə yatrogen fəsadlardan əziyyət çəkir.
Bununla bağlı araşdırmalar nəticəsində müəyyən olunub ki, yatrogen hal əsasən təcrübəsiz həkimlərin buraxdıqları səhvlər sayəsində yaşanır.
Buna görə də tibbi xidmətin səviyyəsinin yüksəldilməsi və ictimai etimadı doğrultmaq üçün səhiyyə işçilərinin etik davranış qaydalarına əməl etmələri olduqca vacibdir.
