Ümumdünya Səhiyyə Təşkilatının (ÜST) baş direktoru Tedros Adhanom Qebreyesus Türkiyə və Suriyada baş verən zəlzələlərdən sonrakı prosesdə iştirak edən səhiyyə işçiləri ilə bağlı fikirlərini bölüşüb.
Aztibb.az ntv.com.tr-yə istinadən xəbər verir ki, baş direktor Türkiyə və Suriyada Kahramanmaraş mərkəzli zəlzələlərdən zərər çəkmiş bölgələri ziyarət etdikdən sonra dağıntılardan təsirləndiyini bildirib.
Suriyada yaşayan insanların üzləşdiyi risklərin Türkiyədəkindən daha yüksək olduğuna diqqət çəkən Qebreyesus hər iki tərəfin tibb işçilərinin eyni çətinliklərlə üzləşdiyini, Suriyadakıların isə daha az resurslara sahib olduğunu ifadə edib.
Həm Türkiyədə, həm də Suriyada səhiyyə işçilərinin fədakar əməyindən heyran qaldığını ifadə edən Qebreyesus beynəlxalq ictimaiyyətə zəlzələdən zərər çəkən Türkiyə və Suriyaya yardım üçün çağırış edib.
