Rusiyanın Yekaterinburq şəhərində xəstə göyərçinlərə sıx rast gəlinməkdədir. Quşlar hərəkətsiz durur, başlarını çevirir və sanki insanları görmürlər. Adi quşlar kimi qorxaraq uçmaq əvəzinə, yerlərində durmağa davam edirlər. 

Aztibb.az-ın e1.ru-ya istinadən məlumatına görə, ornitoloqlar belə bir nəticəyə gəlib ki, quşların tez ölümünə səbəb olan virus elmi adı Nyukasl olan xəstəlikdir.  

İnsanlara bu virus qrip kimi keçir. Bildirilir ki, insan ömründə bir dəfə belə qriplə xəstələnir - o zaman immunitet yaranır. Xəstəliyi kimisi üç günə, kimisi bir həftəyə keçirir. Temperatur 40 dərəcəyə qədər qalxır, öskürək, oynaqlarda ağrılar yaranır. 

Xəstə quşları xilas etmək istəyi olarsa, bunun üçün quşu isti bir otağa köçürmək və daha çox B qrupunun vitaminlərini vermək lazımdır. Belə olduqda bəziləri tamamilə sağalır, amma bəziləri üçün bu sinir hərəkətləri ömürlük qalır, ornitoloq izah edib.