Səhiyyə Nazirliyinin 2 nömrəli Bakı Baza Tibb kollecinin tələbələri üçün təlim keçirilib.
Bu barədə Aztibb.az-a Mərkəzi Gömrük Hospitalından məlumat verilib.
Bildirilib ki, Hospitalda “Səhiyyə və sağlamlıq sahəsində könüllülük və sosial fəaliyyətin vacibliyi, yerli və beynəlxalq könüllülük imkanları” mövzusunda təşkil olunan təlim zamanı Dövlət Gömrük Komitəsi Tibbi Xidmət İdarəsinin Elmi-Təcrübi Tədris Mərkəzinin mütəxəssisi Şəhla Mirzəzadə könüllülüyün inkişaf tarixi, səhiyyə sahəsində könüllü fəaliyyətin vacibliyindən danışıb. O, həmçinin səhiyyə sahəsində yerli və beynəlxalq könüllülük imkanları, könüllülük müraciətləri zamanı zəruri olan prosedurlar və s. barədə tələbələrə məlumat verib.
Təlimlərin yekununda tələbələrin nəzəri və praktiki tibbi bilikləri ilə yanaşı, liderlik və təşkilati bacarıqlarının təkmilləşdirilməsi planlaşdırılır.
