Sumqayıt Tibb Mərkəzinin (STM) 1 nömrəli Şəhər Xəstəxanasının Poliklinika şöbəsində "Şəkərli diabet xəstələri nələri bilməlidir?" mövzusunda tədbir keçirilib.
STM-dən Aztibb.az-a bildirilib ki, tədbir "Bakı Qeyri-Hökümət Təşkilatlarının Resurs və Təlim Mərkəzi" İctimai Birliyinin təşkilatçılığı ilə baş tutub.
STM-in tabeliyində olan Poliklinika şöbələrində dispanser qeydiyyatda olan şəkərli diabet xəstələrinin və endokrinoloqların qatıldığı tədbirdə, Azərbaycan Tibb Universitetinin Daxili Xəstəliklər kafedrasının assistenti Könül İsmayılova sözügedən mövzuda çıxış edib. O, diabet xəstələrinə öz tövsiyələrini verib.
Könül İsmayılova xəstəliyi nəzarətdə saxlamaq üçün şəkərli diabet xəstələrinə təyin olunan pəhrizə əməl etmələrini vurğulayıb.
