Elm və Təhsil Nazirliyinin Biofizika İnstitutunda müəssisənin magistrantları üçün maarifləndirici seminar təşkil olunub.
İnstitutdan Aztibb.az-a bildirilib ki, seminar "Web of Science” elmi axtarış platforması. Vikipediya” mövzusuna həsr edilib.
Tədbirdə Biomolekulların strukturu, dinamikası və funksiyası laboratoriyasının elmi işçisi Arzu Aydəmirova təqdimatla çıxış edib. O, iştirakçılara “Clarivate Analytics” şirkətinin “Web of Science” məlumat platformasından səmərəli istifadə qaydaları, onunla əlaqəli informasiya resursları, həmçinin sözügedən şəbəkəyə məqalələrin təqdim olunması qaydaları, xarici nəşrlərdən istifadə və digər imkanlar barədə ətraflı məlumat verib.
Məruzə seminar iştirakçıları tərəfindən maraqla qarşılanıb, mövzu ətrafında müzakirələr aparılıb.