Aztibb.az-ın "Həkimlərimizi tanıyaq!" rubrikasında söz açacağımız Məlahət Məmmədova bütün mənalı həyatını şərəfli işinə, müqəddəs peşəsinə, insanların sağlamlığına həsr edib.

 

O, 22 avqust 1956-cı ildə Tovuz rayon Düzqırıxlı kəndində anadan olub. N.Nərimanov adına Azərbaycan Tibb Universitetinin II Müalicə profilaktika fakültəsinin məzunudur. 1981-1982-ci illərdə Akademik Mir Qasımov adına Klinik Xəstəxanasında Terapiya ixtisası üzrə internatura keçib.

 

Məlahət Məmmədova 1982-ci ildə Əli Bayramlı (Şirvan) Şəhəri MŞX TSH-də terapevt vəzifəsində çalışıb. 2010- cu ildə Mərkəzi Poliklinikanın II terapevtik şöbəsində sahə həkimi, terapevt vəzifəsində çalışıb. 2021-ci ildən Şirvan Şəhər Mərkəzi Xəstəxanasının Vərəm şöbəsində həkim ftiziatr işləyir.

 

2012 və 2022-ci illərdə Həkimlərin Sertifikasiya Şəhadətnaməsində keçib. 

 

Azərbaycan Respublikası Səhiyyə Nazirliyi, Elmi-Tətqiqat Ağ Ciyər Xəstəlikləri İnstitutu və “Qlobal Fond“un dəstəyi ilə keçirilən “Vərəmin aşkarlanması, diaqnostikası, müalicəsi və profilaktikasına müasir yanaşmalar “mövzusunda ftiziatrlar üçün tereninqdə sertifikata layiq görülüb.