Aztibb.az "Həkimlərimizi tanıyaq!" rubrikası paytaxtda və regionlarda fəaliyyət göstərən həkimlərimizi tanıtmaqda davam edir.
Rubrikada bu dəfə Zaqatala Rayon Mərkəzi Xəstəxanasının Dağlı kənd həkim məntəqəsinin müdiri v.i.e. Vaqif Bayramov haqqında məlumatları təqdim edirik.
Vaqif Ziyəddin oğlu Bayramov 27 dekabr 1956-cı ildə Zaqatala rayonunun Qandax kəndində anadan olub. 1978-1984-cü illərdə Qazaxıstanın Almatı Dövlət Tibb İnstitutunun Pediatriya fakültəsində təhsil alıb və institutu fərqlənmə diplomu ilə bitirib.
O, 1984-1989-cu illərdə Qazaxıstanın Noviy Uzen şəhər xəstəxanasının doğum evində neonatoloq vəzifəsində çalışıb. 1989-cu ilin oktyabrında Zaqatalaya qayıdaraq Faldar kənd həkim məntəqəsinin müdiri işləməyə başlayıb. Vaqif həkim 1997-ci ildən Zaqatala Rayon Mərkəzi Xəstəxanasının Dağlı kənd həkim məntəqəsinin müdiri vəzifəsini icra edir.
