Analgin qan üçün çox təhlükəli dərmandır və demək olar ki, bütün ölkələrdə qadağandır. Niyə bu dərman hələ də satılır və insanlar bundan zəhərlənir?

Aztibb.az "Arqumentı i Faktı" nəşrinin məlumatına əsasən xəbər verir ki, çox vaxt Analginin aktiv maddəsi olan metamizolun və onunla birlikdə kompleks preparatların təhlükəli olduğunu yazırlar. Bu preparatlar ağ qan hüceyrələrinin (leykositlər) sayının azalmasına, immunitet sisteminin zəifləməsinə və infeksiyaların inkişafına və s. gətirib çıxarır.  

Rusiyalı alim, tibb elmləri doktoru, professor Pavel Vorobyov bildirib ki, bəzi insanlar bu dərmanın təsirinə həssasdır. Ancaq əks reaksiyaya səbəb ola biləcək bir çox dərman var. Onların arasında digər ağrıkəsicilər və qızdırmasalıcı dərmanlar, antibiotiklər, yuxu həbləri, vərəm, trombosit əleyhinə dərmanlar yer alır və heç kim onları qadağan etməyi belə ağlına gətirməyib.  

“Niyə onların arasından yalnız Analgini seçdilər, hətta bəzi ölkələrdə qadağan etdilər.  Bu ucuz və təsirli dərmanı əsasən Şərq ölkələri istehsal edirdi və bir çox ağrıkəsici dərmanlarla rəqabət aparırdı”,– deyə professor qeyd edib. 

Alim vurğulayıb ki, ilk növbədə Parasetamol bir çox cəhətdən Analgindən daha pisdir, hepatotoksik təsir göstərir, qaraciyər üçün zərərlidir. Həddindən artıq dozada xəstə təcili qaraciyər transplantasiyasına məruz qalmadığı təqdirdə ölümünə səbəb olur. Belə hallar çoxdur. Lakin dərman şirkətlərinə yaxşı dividendlər gətirdiyi üçün Parasetamolun qadağan olunacağı belə düşünülmür.