Xocalı faciəsi qurbanları Şəmkir Rayon Mərkəzi Xəstəxanasında da anılıb.

Xəstəxanadan Aztibb.az-a verilən xəbərə görə, bu münasibətlə təşkil olunmuş anım mərasimində müəssisənin direktoru Emin İsmayılov Xocalı soyqırımının Azərbaycan tarixinin ən dəhşətli və faciəli səhifələrindən biri, erməni millətçilərinin xalqımıza qarşı iki yüz il ərzində apardığı etnik düşmənçiliyin növbəti mərhələsi olduğunu diqqətə çatdırıb.

O, 1992-ci il fevralın 25-dən 26-na keçən gecə Ermənistan silahlı qüvvələrinin bütün beynəlxalq hüquq normalarını pozaraq Xocalı üzərinə ağır hərbi texnika yeritdiyi, yerlə yeksan etdikləri şəhərin dinc əhalisinə misli görülməmiş qəddarlıqla divan tutduğu bildirib. Direktor həmin hərbi-siyasi təcavüz zamanı 613 həmvətənimizin, o cümlədən 106 qadının, 63 uşaq və 70 qocanın həlak olduğunu, 487 dinc sakinin ağır yaralandığını, 1275 nəfərin girov götürülərək işgəncələrə məruz qaldığını xatırladıb.

Daha sonra xəstəxananın Statistika bölməsinin müdiri Mirzə Cəfərov və Hemodializ şöbəsinin müdiri Roza Orucova çıxış edərək, soyqırımını qurbanlarının xatirəsinin xalqımız və dövlətimiz tərəfindən daim əziz tutulduğunu, Xocalı sakinlərinin dövlət qayğısı ilə əhatə olunduğunu bildiriblər.