Gəncə Şəhər Birləşmiş Xəstəxanasında Xocalı soyqırımı ilə əlaqədar anım tədbiri keçirilib.

Xəstəxanadan Aztibb.az-a bildirilib ki, öncə Xocalı soyqırımı qurbanlarının xatirəsi bir dəqiqəlik sükutla yad edilib.

Tədbirdə çıxış edən müəssisənin direktoru İlkin İsmayılov 31 il bundan öncə Ermənistan silahlı qüvvələrinin, keçmiş SSRİ-nin 366-cı motoatıcı alayının köməyi ilə müxtəlif istiqamətlərdən Xocalı şəhərinə hücum etdiyini, qadınlar, uşaqlar və yaşlılar daxil olmaqla yüzlərlə azərbaycanlı mülki şəxsi xüsusi amansızlıqla qətlə yetirdiyini qeyd edib.

İ.İsmayılov xalqımızın milli yaddaşına həkk olunmuş Xocalı soyqırımının unudulmadığını, daim dərin hüznlə xatırlandığını bildirilib.

Daha sonra Xocalı soyqırımına həsr olunan film nümayiş etdirilib.