Xətai Tibb Mərkəzində (XTM) Xocalı soyqırımının 31-ci ildönümünə həsr olunmuş “Xocalı soyqırımı-qan yaddaşımız” adlı anım tədbiri keçirilib.

XTM-dən Aztibb.az-a bildirilib ki, əvvəlcə tədbir iştirakçıları soyqırımı şəhidlərinin xatirəsini bir dəqiqəlik sükutla yad ediblər.

Tədbirdə Xətai Tibb Mərkəzinin direktoru Ələkbər Tağıyev XX əsrin dəhşətli faciəsi olan Xocalı soyqırımından danışıb.

Sonra həkim-terapevt Tofiq Şıxəliyev, Sığortanın təşkili və innovasiya şöbəsinin müdiri Samirə Səfərova, ictimaiyyətlə əlaqələr üzrə mütəxəssis Ramilə Qurbanlı Xocalı soyqırımı barədə tarixi faktlardan bəhs edib, bir daha belə faciələrin təkrar olunmaması üçün tarixdən dərs almalı olduğumuzu dilə gətiriblər.