Kahramanmaraşdakı çadır şəhərlərdə zəlzələ qurbanlarına səhiyyə xidməti göstərən həkimlər bölgədə gigiyena probleminin olduğunu bildirir.  

Aztibb.az cnnturk.com-a istinadən xəbər verir ki, fəlakətin ilk günlərində insanlar soyuqda qaldıqları üçün əsasən üst tənəffüs yolları xəstəlikləri ilə həkimlərə müraciət ediblər.  

Qeyd edilir ki, son zamanlar bölgədəki insanlarda müşahidə edilən qaşınma əlaməti də keçib. Bu məqsədlə insanlara gigiyenanı təmin edəcək və qaşınmanı aradan qaldıracaq kükürdlü sabunlar paylanıb. 

Hazırda ishal hallarında artım var. Səbəb kimi natəmiz su görülür.  

Bölgədə daşınan tualetlərin sayı artırılıb. Gigiyena təlimlərinin verilməsi zəruri bilinib.