B12 vitamini defisiti müalicə edilməzsə sinirlərin zədələnməsi, hətta ürək çatışmazlığı kimi ciddi problemlərə səbəb ola bilər.

Aztibb.az medikforum.ru-ya istinadla xəbər verir ki, bu barədə həkim-nevroloq Aleksandra Alyoxina məlumat verib. 

Əsasən ət, pendir və yumurta kimi heyvan mənşəli məhsullarda olan B12 vitamini sağlam eritrositlərin yaradılması üçün lazımdır. Bu hüceyrələr oksigenin bütün bədən üzrə nəql edilməsi üçün həyati əhəmiyyətlidir.  Belə ki, bu hüceyrələrlə bağlı istənilən problemlər ciddi problemlər doğura bilər.

"B qrupunun bütün vitaminləri enerji istehsalında əsas rol oynayır. Ancaq B12 vitamini haqqında bilmək xüsusilə əhəmiyyətlidir, çünki, onu yalnız heyvan mənşəli qida mənbələrindən almaq olar. Ət məhsullarından az istifadə olunan bitki pəhrizinə və ya pəhrizə üstünlük verənlər qanda B12 vitamini səviyyəsini yoxlatmalıdır", - həkim-nevroloq Aleksandra Alyoxina deyib.

O, qulaqlardakı küyün B12 defisiti əlamətlərindən biri olduğunu qeyd edib.

Tədqiqatlar göstərib ki, B12 vitamini qəbulu qulaqlarda küydən əziyyət çəkən pasiyentlərə kömək edə bilər.