XX əsrin faciəsi olan Xocalı soyqırımının 31-ci ildönümü ilə bağlı Nərimanov Tibb Mərkəzinin kollektivi Memorial Soyqırımı Muzeyini ziyarət edib.
Bu barədə Aztibb.az-a Nərimanov Tibb Mərkəzindən məlumat verilib.
Bildirilib ki, muzey tarix, deportasiya-repressiya, soyqırımı və terror bölmələrindəndən ibarətdir.
Muzeylə tanışlıq zamanı tarix və deportasiya-repressiya bölmələrində XX əsrin əvvəllərində Azərbaycanın müxtəlif ərazilərinin viranə qoyulmuş görüntüləri haqqında məlumat verilib.
Həmçinin 1930-cu illərdə məhv edilmiş Azərbaycanın yazıçı və şairləri barədə məlumat lövhəsi, ermənilərin tarixən Azərbaycan xalqına qarşı törətdikləri vəhşiliklərə dair kitablar nümayiş etdirilib.
Bundan başqa, 34 yaşında şəhid olmuş Milli Qəhrəman, həkim Qasımov Muxtar Cahid oğluna məxsus tibbi ləvazimatlar çantası və ṣəhidin xatirə əṣyaları da muzeydə qorunur.
