Türkiyənin Özəl "SG Sapiens" Genetik Xəstəlikləri Dəyərləndirmə Mərkəzinin nümayəndə heyəti ilə Azərbaycan Tibb Universitetinin (ATU) rəhbərliyi arasında görüş keçirilib.
ATU-dan Aztibb.az-a bildirilib ki, görüşdə Mərkəzin təsisçisi və idarəedicisi, dosent Kanay Yararbaş rəhbəri olduğu qurum haqqında ətraflı məlumat verib.
Universitetin rektoru, professor Gəray Gəraybəyli isə çıxışında ATU ilə "SG Sapiens" Genetik Xəstəlikləri Dəyərləndirmə Mərkəzi arasında perspektiv qarşılıqlı əməkdaşlıq istiqamətləri haqqında danışıb.
Görüşdə ATU-nun Elmi işlər üzrə prorektoru, professor Rauf Bəylərov, Beynəlxalq Əlaqələr üzrə prorektor, dosent Orxan İsayev, Mətbuat xidmətinin rəhbəri Günel Aslanova, "SG Sapiens"in mətbuat əlaqələndiricisi Merve Sarıkaya Can, əməyin inkişafı üzrə mütəxəssis Deniz Dehni də iştirak ediblər.