9 il əvvəl qonşu ölkələrin birində böyrək köçürülməsi olan xəstəmizin böyrəyində 5 il sonra nahahatlıqları başladığı üçün nefroloq təqibində kontrollarını davam etdirib. Son aylarda isə kreatin dəyərləri yüksəldiyi üçün artıq dializ və ya təkrar böyrək köçürülməsi qərarını vermək məcburiyyətində olan xəstə nefroloq tərəfindən təkrar nəql olmaq üçün Mərkəzi Klinikaya müraciət edib.

 

Aztibb.az xəbər verir ki, bu barədə Mərkəzi Klinikanın ümumi cərrahı, transplantoloq Tariyel Nadirov feysbukda paylaşım edib.

 

Həkim bildirib ki, pasiyentə atası böyrəyinin birini bağışlayıb və onun sağlam yaşaması üçün hər ikisi əməliyyata giriblər. Əməliyyat uğurla nəticələnib.

 

"Atasının bağışladığı böyrəklə təkrar sağlam həyata bağlanan xəstəmizin son kreatin dəyərləri tam normala gəldi. Əməliyyatdan 3 gün sonra donoru evə göndərdik. Sonra isə xəstəni evə yola saldıq", - deyə Tariyel Nadirov qeyd edib.