Yunanıstanın Milli Xalq Sağlamlığı Agentliyinin (EODY) verdiyi açıqlamada, 6 yaşlı uşağın septik şok səbəbiylə öldüyü, qan analizində Strep A bakteriyasının aşkar edildiyi bildirilib.

Bu barədə Aztibb.az medimagazin.com.tr-yə istinadla xəbər verir.

Son zamanlar İngiltərə və digər Avropa ölkələrində çoxlu sayda Strep A hadisəsinə rast gəlindiyi qeyd edilən açıqlamada, "Epidemioloji məlumatlar ölkədə ictimai sağlamlıqla bağlı narahatlıq vəziyyətini göstərmir" ifadəsi yer alıb.

Strep A bakteriyasının insanların boğazına və dərisinə yerləşərək tez-tez soyuqdəymə və boğaz ağrısına səbəb olduğu bildirilir. Bədənin bəzi yerlərində səpgilər və dəri infeksiyaları yaradan bakteriyalar bəzi hallarda ciddi fəsadlara və ölümə səbəb ola bilər.

Bu bakteriyalar asqırma, öskürmə və yaxın təmas zamanı insanlar arasında asanlıqla yayıla bilir.