Hatayın Defne və Samandağ rayonlarında baş verən yeni zəlzələlər nəticəsində 3 nəfər dünyasını dəyişib.

Aztibb.az-ın www.gazetevatan.com-a istinadla xəbərinə görə, bu barədə Türkiyənin daxili işlər naziri Süleyman Soylu məlumat verib. Nazir bildirib ki, təbii fəlakət nəticəsində 213 yaralanıb.

Hazırda axtarış-xilasetmə işləri davam edir. Vətəndaşlara riskli binalara girməmək barədə xəbərdarlıq edilib.

***

20 fevral 2023-cü il, 23:02

Türkiyənin Hatay əyalətində yenidən 6,4 və 5,8 bal gücündə iki zəlzələ baş verib.

Aztibb.az www.milliyet.com.tr-yə istinadla xəbər verir ki, ilk zəlzələ yerli vaxtla saat 20:04-də Hatay vilayətində, digəri isə 3 dəqiqə sonra bu vilayətin Samandağ rayonunda baş verib. 

Yeraltı təkanlar ətraf vilayətlərdə də hiss edilib. Zəlzələ 16,7 kilometr dərinlikdə qeydə alınıb.

Təbii fəlakət nəticəsində 1 nəfər vəfat edib, azı 8 nəfər xəsarət alıb.

Qeyd edək ki, güclü zəlzələdən sonra sunami xəbərdarlığı edilmişdi. Daha sonra isə bu xəbərdarlıq ləğv edilib.