Azərbaycan Kardiologiya Cəmiyyəti elmi məqalələrin yazılması, araşdırmaların aparılması və bu araşdırma nəticəsində yazıların beynəlxalq elmi jurnallarda dərc edilməsi istiqamətində kursların təşkilini davam etdirir.

 

Aztibb.az Azərbaycan Kardiologiya Cəmiyyətinə istinadla xəbər verir ki, bu məqsədlə 18-19 fevral 2023-cü il tarixlərində EGİS şirkətinin dəstəyi ilə elmi məqalələrinin yazılmasına və statistikanın aparılmasına dair kursun 2-ci hissəsi təşkil edilib.

 

2 gün davam edən “A-dan Z-yə araşdırma və statistika. 2-ci hissə" adlı kursun moderatorları prof. Mustafa Kılıçkap və prof. dr. Meral Kayıkçıoğlu olub.

 

Kursun iştirakçıları araşdırma və elmi məqalə yazmağa marağı olan, ingilis dilini yüksək səviyyədə bilən üzvlərdən ibarət olub. Kursa böyük marağın və ehtiyacın olması səbəbindən gələcəkdə də bu kursların keçirilməsi nəzərdə tutulur.