Aztibb.az-ın "Həkimlərimizi tanıyaq!" rubrikasında bəhs edəcəyimiz Füzuli Rayon Mərkəzi Xəstəxanasının həkim-cərrahı Xanməd İmanov da bütün mənalı ömrünü müqəddəs saydığı peşəsinə həsr edib.

 

O, 1951-ci il 24 dekabrda Füzuli rayon Mahmudlu 2 kəndində anadan olub. 1973-1979-cu illərdə Azərbaycan Dövlət Tibb İnstitutunda təhsil alıb, Sabunçu Xəstəxanasında cərrah ixtisası üzrə internatura keçib.

 

Xanməd İmanov 1980-ci ildən 1985-ci ilədək Horadiz xəstəxanasında cərrah kimi fəaliyyət göstərib. 1986-1992-ci illərdə Füzuli Rayon Mərkəzi Xəstəxanasında cərrah vəzifəsində çalışıb, 1992-ci ilin iyunun 1-dən N saylı hərbi hissədə tibbi bölüyünün Cərrahiyyə şöbəsinin müdiri, sonralar isə tibbi bölüyün komandiri işləyib. 1996-cı ildə Füzuli Rayon Regional Məhkəməsində tibb ekspert olub. 2001-ci ildə tibb mayoru kimi ehtiyata buraxılıb. O, həmin vaxtdan indiyədək Füzuli Rayon Mərkəzi Xəstəxanasında fəaliyyət göstərir.

 

Peşəkar cərrah Birinci və İkinci Qarabağ müharibəsi dövründə də peşə fəaliyyətini şərəflə yerinə yetirib, yüzlərlə əsgər və zabitlərin həyatını xilas edib.