Aztibb.az "Həkimlərimizi tanıyaq!" rubrikasında Zaqatala Rayon Mərkəzi Xəstəxanasının həkim-infeksionisti İlham Həsənov haqqında məlumatı təqdim edir:
İlham Bayram oğlu Həsənov 25 iyul 1953-cü ildə Ermənistan SSR Quqark rayonunun Arçut kəndində anadan olub. 1970-1977-ci illərdə N.Nərimanov adına Azərbaycan Dövlət Tibb İnstitutunda Pediatriya ixtisası üzrə ali təhsil alıb.
O, 1977-ci ildən Zaqatala Rayon Muxax kənd xəstəxanasında həkim-pediatr kimi əmək fəaliyyətinə başlayıb. 1999-cu ildə Zaqatala Rayon Mərkəzi Xəstəxanasının Yoluxucu xəstəliklər şöbəsində həkim-pediatr vəzifəsinə təyin olunub və 2001–ci ilə qədər həmin vəzifədə çalışıb. 2001-2022-ci illərdə Yoluxucu xəstəliklər şöbəsinin müdiri işləyib. Hazırda həmin şöbədə həkim-infeksionist kimi fəaliyyətini davam etdirir.