Pərvin Əkbərov uzay terapiyasının faydalarını da sadalayıb. Qeyd edib ki, bu metod taktil toxunma hissiyatının yaxşılaşdırır, mərkəzi sinir sistemini stimullaşdırır, əzələ tonusunu normalizə edib, spazmı azaldır. Həmçinin vücudun duruşunu düzəldir, dinamikanı təmin edir, patoloji refleksləri azaldır, bədənin ümumi duruşunu və düzgün hərəkət nümunələrini yenidən qurur, düzgün yeriməni modelizə edir

 

Fizioterapevtin sözlərinə görə, uzay terapiyası xarici balansı təmin edir, zəif əzələləri gücləndirir, vestibular sistemə təsir göstərir, beyin mərkəzi sinir sistemini yenidən hazırlamaq üçün stimullaşdırır, balansı saxlamaqda köməklik göstərir. Bundan başqa, toxunma və sensor stimullaşdırılması təmin edir, koordinasiyanı inkişaf etdirir, əzələlərin daha da gücləndirilməsi üçün dayaq funksiyasını görür:

 

"Uzay terapiyası, həmçinin mərkəzi sinir sisteminin kontrolu və gövdənin dəstəyi ilə danışıq qabiliyyətini formalaşmasına, sərbəst axıcı danışmağa kömək edir. Ataksi və atetozda kontrolsuz hərəkətləri azaldır. İncə motor bacarıqlarlarını inkişaf etdirməyə köməklkik göstərir. Müalicə müddətini azaldır".