Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir. 

 

Rubrikamızda bu dəfə Göyçay Rayon Mərkəzi Xəstəxanasının kardioloqu Mehman Abdullayev haqqında məlumatları diqqətinizə çatdırırıq. 

 

Mehman Abdullayev 15 fevral 1955-ci ildə Göyçay rayonunun Yekəxana kəndində anadan olub. 1972-ci ildə Azərbaycan Tibb Universitetinə daxil olub və 1978-ci ildə universiteti bitirib. 1979-cu ildə Bakı şəhəri Binə Qəsəbə Xəstəxanasında internatura keçib.

 

O, 1979-cu ildə Göyçay Rayon Mərkəzi Xəstəxanası Çərəkə kənd həkim məntəqəsində işə başlayıb. 1980-1985-ci illərdə Göyçay RMX-nın Qaraməryam kənd xəstəxanasının həkim-kardioloqu, 1990-cı ilə qədər isə baş həkimi vəzifələrində çalışıb. 1991-2010-cu illərdə Göyçay RMX-nın Poliklinika şöbəsində funksional diaqnostika həkimi işləyib. Mehman Abdullayev 2010-cu ildən Göyçay RMX-nın Poliklinika şöbəsində həkim-kardioloq kimi fəaliyyət göstərir.