Azərbaycan Respublikası Səhiyyə Nazirliyinin Elmi-Tədqiqat Tibbi Bərpa İnstitutunda Elmi şuranın növbəti iclası keçirilib.

İnstitutdan Aztibb.az-a bildirib ki, müəssisənin direktoru, prof. Sədaqət Hüseynovanın sədrliyi ilə keçirilən iclasda institutun elmi katibi, baş həkim, elmi şuranın üzvləri və elmi işçilər iştirak ediblər.

Öncə prof. Sədaqət Hüseynova institutun elmi istiqamətləri, cari ildə planlaşdırılan elmi işlər haqqında məlumat verib.

Sonra elmi katib, t.ü.f.d Sevinc Rzayeva 2022-ci ildə institutda aparılan elmi tədqiqat işləri haqqında illik hesabatı təqdim edib. Direktorun müavini, baş həkim Rəhimə Məmmədova isə institutun klinik şöbələrinin illik hesabatını diqqətə çatdırıb.

İclasda 2023-cü ildə institutun elmi bölmələrində başlanan yeni elmi mövzular müzakirə olunub və təsdiq edilib.

Sonda prof. Sədaqət Hüseynova müəssisənin elmi işçilərinin yeni tədqiqatlarda nailiyyətlərə imza atacağına inandığını və bunun üçün hər sahədə onlara dəstək olacağını bildirib.