Zaqatala Rayon Mərkəzi Xəstəxanasının həkimləri tərəfindən rayon bağçalarında mütəmadi olaraq uşaqların icbari dispanserizasiyası həyata keçirilir.

Bu barədə Aztibb.az-a Xəstəxanadan bildirilib.

Qeyd olunub ki, ötən həftə şəhər 1 saylı uşaq bağçasında uşaqların növbəti icbari dispanserizasiyası təşkil olunub.

Uşaqların dispanserizasiyası – onların sağlamlığının qorunması, normal fiziki inkişafının təmin edilməsi və xəstəliyin ilkin mərhələdə aşkar edilməsi məqsədilə kompleks profilaktika, diaqnostika və müalicə-sağlamlaşdırıcı tədbirlərdən ibarət olan aktiv dinamik müşahidə sistemidir.

Xəstəliklərin və əlillik hallarının əksəriyyətinin təməlinin uşaq yaşlarında qoyulduğunu nəzərə alaraq, uşaqlar arasında xəstəliklərə səbəb olan risk faktorlarının aşkar edilməsi və qarşısının alınması, kəskin və xronik xəstəlikləri olan uşaqların erkən aşkar edilməsi, onların müalicəsi və nəzarətə götürülməsi məqsədilə icbari tibbi müayinələrin aparılmasının, aşkar edilmiş xəstə uşaqların dispanserizasiyaya cəlb edilməsinin və müalicə-sağlamlaşdırıcı tədbirlərin həyata keçirilməsinin müstəsna əhəmiyyəti vardır.