Türkiyədə zəlzələ nəticəsində ölənlərin sayı 19 388-ə yüksəlib.
Aztibb.az Türkiyə mətbuatına istinadla xəbər verir ki, yaralıların sayı isə 77 711 nəfərə çatıb.
* 17:13
Türkiyə Prezidenti Rəcəb Tayyib Ərdoğan mərkəzi Kahramanmaraş olan zəlzələdən zərər çəkən Adıyamanda fəlakət qurbanları üçün qurulan çadır şəhərciyini ziyarət etdikdən sonra son vəziyyətlə bağlı açıqlama verib.
Aztibb.az medimagazin.com.tr-yə istinadla xəbər verir ki, Prezident Ərdoğan zəlzələdə 18 991 nəfərin həyatını itirdiyini, 75 523 nəfərin isə xilas edildiyini bildirib.
"10 əyalətdə ciddi dağıntılar olub. Biz Kahramanmaraş, Hatay və Adana vilayətlərində olub, oradakı vəziyyətlə bağlı qiymətləndirmələr apardıq. Dünən Qaziantep, Osmaniye və Kilisdə idim. Zəlzələdən sağ qurtarmış qardaşlarımla bir yerdə idik. Buradan da Malatyaya gedəcəyik. Mərhum bacı-qardaşlarıma Allahdan rəhmət diləyirəm. Bizim əqidəmizə görə belə fəlakətlərdə mərhumun rütbəsi şəhadətdir", - deyə dövlət başçısı qeyd edib.
O, AFAD və ya bölgədə yardım fəaliyyətini həyata keçirən Qızıl Aypara başda olmaqla digər qurumlarla əlaqə saxlamadan yardımları təsadüfi şəkildə toplamamaq barədə xəbərdarlıq edib. Bildirib ki, AFAD vasitəsilə nağd ianə etmək sui-istifadə və tərəddüdləri aradan qaldıracaq bir üsuldur. Köçürülmə yardımı ilə hər evə 15 min lirə vermək üçün hazırlıqlar edirik. Xüsusilə zəlzələ bölgəsində ölkənin ayağa qalxmasını təmin edəcək əhatəli bir proqram hazırlayırıq.