TƏBİB-in İxtisaslı yardım departamentinin Xüsusi profilli tibbi xidmətlərin təşkili şöbəsinin və Respublika Endokrinoloji Mərkəzinin təşkilatçılığı ilə regionda endokrinoloji xidmətin keyfiyyətinə və effektivliyinin qiymətləndirilməsi, təşkilinə nəzarət məqsədi ilə Lənkəran Rayon Mərkəzi Xəstəxanasına səfər təşkil olunub.

 

Bu barədə Aztibb.az-a Lənkəran Rayon Mərkəzi Xəstəxanasından bildirilib.

 

Səfər xəstəxanada endokrinoloji kabinetlərin fəaliyyəti, tibbi sənədləşmənin icrasın nəzarət, xəstələrə təşkil edilən tibbi xidmətin ümumi dəyərləndirilməsi, mürəkkəb, ağır xəstələrin qəbulu, onlara konsultativ-diaqnostik yardımın təşkili xidmətiylə yerində yaxından tanış olmaq məqsədi daşıyır.

 

Bu münasibətlə Lənkəran RMX-da fəaliyyət göstərən həkim endikrinoloq, terapevt, təcili tibbi yardım şöbəsinin həkimləri, nevroloq, uşaq endokrinoloqları, pediatr və reanimatoloqlarla yanaşı, ətraf rayonlarda çalışan (Astara, Masallı, Lerik, Yardımlı) həkimlərin də iştirakı ilə toplantı keçirilib.

 

Tədbiri giriş sözü ilə Lənkəran RMX-ın direktoru Ağabala Kəlbiyev açaraq regionda endokrinoloji xidmətin vəziyyəti, bu istiqamətdə mövcud infrastruktur və kadr potensialı, region üzrə endokrin xidmət göstərəcək müvafiq mərkəzin yaradılması ilə bağlı aparılan müzakirələr və gələcək hədəflər barədə toplantı iştirakçılarına məlumat verib.

 

Respublika Endokrinoloji Mərkəzinin həkim-endokrinoloqu Nərminə Hüseynova, Nərimanov Tibb Mərkəzinin Uşaq Kliniki Xəstəxanasının Endokrinologiya şöbəsinin müdiri Zülfiyyə Kazımzadə, Respublika Endokrinoloji Mərkəzinin həkim-nevroloqu Aynurə Hacıyeva, Abşeron Rayon Mərkəzi Xəstəxanasının Hemodializ şöbəsinin müdiri Gülər Gəncəliyeva şəkərli diabetin müasir diaqnostikası və müalicəsinin idarəolunması, uşaqlarda şəkərli diabet xəstəliyinin diaqnostika və müalicəsinə müasir yanaşma, diabetik katoasidoz, diaqnostika, ilk yardım, şəkərli diabetin nevroloji ağırlaşmaları, diabetik nefropatiyalar, diabetli xəstələrin idarəedilməsi, diabet məktəbində tibb bacısının rolu mövzusunda təqdimatlarla çıxış ediblər.

 

Sonda endokrinoloji patalogiyası ola xəstələrin qəbulu təşkil olunub.