Mərkəzi Gömrük Hospitalından Aztibb.az-a bildirilib ki, təlimdə Enerji Resursları və Dəniz Nəqliyyatında Baş Gömrük İdarəsinin Gömrük Əməliyyatları İdarəsinin rəis müavini, gömrük xidməti polkovniki Seyhun Hüseynov, Dövlət Gömrük Komitəsinin Akademiyasının Əlavə təhsil şöbəsinin böyük mütəxəssisi, gömrük xidməti leytenantı Yavər Məmmədova, Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin mütəxəssisləri gömrük xidməti baş leytenantı Azad Əhmədov və gömrük xidməti leytenantı Şəhla Mirzəzadə, Mərkəzi Gömrük Hospitalının həkim-psixiatrı, tibb xidməti baş leytenantı İradə Ramazanova və Enerji Resursları və Dəniz Nəqliyyatında Baş Gömrük İdarəsinin əməkdaşları iştirak ediblər.

 

Təlim zamanı Dövlət Gömrük Komitəsinin Tibbi Xidmət İdarəsinin mütəxəssisləri tərəfindən “Narkotik vasitələr və psixotrop maddələr: müasir dünyanın qlobal çağırışı”, “Çağdaş dövrdə psixotrop dərmanların yaratdığı problemlər” və “Saxta dərman vasitələri və onların yayılmasına qarşı mübarizə” mövzularında təqdimatlar edilib və auditoriyanı maraqlandıran suallar cavablandırılıb. Təlim xatirə şəklinin çəkilməsi ilə yekunlaşıb.