“Əsrin fəlakəti” olaraq xarakterizə edilən zəlzələlərdən zərər çəkən Kahramanmaraşda 99 saatdan sonra dağıntılar altından bir nəfər xilas edilib.

Aztibb.az-ın medimagazin.com.tr-yə istinadla xəbərinə görə, xilasetmə qrupları işlərini Kahramanmaraşın Əli Sezai Əfəndi küçəsindəki 3 mərtəbəli yaşayış binasında davam etdirərəkən səs eşidiblər.

Xilasedicilər dağıntılar altında qalan 26 yaşlı Suriya əsilli Fatma Karuşu 14 saatlıq çalışmadan sonra dağıntılar altından çıxarıblar.

Zəlzələdən 99 saat sonra dağıntılar altından sağ çıxarılan qadın təcili yardım maşını ilə xəstəxanaya aparılıb.