Qubadlı rayon Qara İlyasov adına şəhər 1 saylı tam orta məktəbində Qubadlı Rayon İcra Hakimiyyəti, rayon Gənclər və İdman İdarəsi, Qubadlı Rayon Mərkəzi Xəstəxanası, rayon Polis şöbəsi, Səfərbərlik və Hərbi Xidmətə Çağrış üzrə Dövlət Xidmətinin Qubadlı rayon bölməsinin birgə təşkilatçılığı ilə “Sağlam gənclik, sağlam gələcək deməkdir!” mövzusunda maarifləndirici tədbir keçirilib.
Qubadlı Rayon Mərkəzi Xəstəxanasından Aztibb.az-a verilən xəbərə görə, tədbirdə zərərli vərdişlərin orqanizm üçün ciddi təhlükə törətdiyini vurğulanıb. Həmçinin narkomaniyanın və psixotrop maddələrin insan sağlamlığına mənfi təsiri barədə ətraflı məlumat verilib, narkotik maddələrdən istifadənin qısa zamanda fiziki və psixi asılılıq yaratdığını nəzərə çatdırılıb. Gənclərə sağlam həyat tərzi sürmək, gələcəyini məhv edən vərdişlərdən uzaq olmaq tövsiyə olunub.
Sonda narkomaniyanın fəsadlarından bəhs edən film nümayiş olunub, yeniyetmə və gəncləri maraqlandıran suallar cavablandırılıb.